Giovanni Zanella

'ndovina 'ndovinel
(dialetto della conca di Ossana, TN)

'Ndovina 'ndovinel,
vèi popìn dàme la man:
da Pliciàn nén a Cusiàn;
da Cusiàn nén a Ossàna
e po gió fin a Fosìne.
Proverét a 'ndovinar
quel che mi von a cercàr
ma che cercheròn per nient
perché adès' no' 'l troveret pù.
Disi adès perché 'na volta
e no l'é po' tanti ani, el trovavet da per tut:
se pol dir a ogni cantón.
Mi te aiuti a 'ndovinar
e se propri sarèt bravo
te faròn en bel regal!
Adès' noi sén a Cusiàn:
quel che cerchi l'era lì
pròpia contra i Bortolèti
e a nàr su 'n po' per la vila
l'era lì de là dei Gìroi,
lì de fronte ai Vermeàni
e po' pròpi quasi 'n cima
l'era lì dai Mateòti.

Ti nol védet e gnànca mì
ma mi senti la so vos
che 'n memoria la me torna.

Nén a Ossàna e l'é lo stés':
cerca cerca e no' se 'l trova;
ma le so vós ntonàde
che le canta nçt e dì
mi le senti gió al Castèl,
sóta i Gòi e vèrs Dernìga
e anca fòr vèrs 'l Molìn.
Senti anca tanti sampógni
che compàgna tut 'sti sòni;
ma ti pòp no' sentet niènt!
ma ti pòp no' vedet niènt!
Vèi che nén alle Fosìne!
L'era pién de quel che cerchi
l'era pién de tut 'sti canti!
Su ai Pistóri, gió ai Filipini
e po' lì tacà al teatro
'n do che adès' no gh'é che asfalto!
Vei popìn che vòi scampàr:
mi no' voi mórer d'en colp!
Vèi che nen gió dal Viaciol
che lì forsi ciàpi fià.
Ti me vàrdet, no' capìset,
no' sèt bon de 'ndovinàr:
no' l'è certo colpa tòa
el regal te 'l fòn lo stés.
Ghe den colpa anca 'sta volta
al progresso de 'sti dì
che l'é tut a la rovèrsa
de come 'l pensavi mi.
Vorà dir che per premiàrte
e no' véderte ignorànt,
già che 'n val no' gh'é pu aque
e i massàri del comùn
senza tant pensàrghe sù
i ha volèst spacàr su tùt,
mi te porteròn a Roma
a farte veder 'na FONTANA...!